Nafta bruto ka shënuar rritje kohët e fundit pas mungesës së një arritjeje të kéyze në negociatat mes Shteteve e Bashkuara dhe Iranit. Katari deklaroi se ka siguruar të paktën dy javë kohë për përpjekjet diplomatike, duke vënë në dukje se mbeten ende dallime të rëndësishme mes palëve. Si rrjedhojë, pritshmëritë e tregut për një marrëveshje të afërt po përshtaten, çka po mbështet një rikuperim të çmimeve të naftës.
Më parë, nafta bruto pati një rënie të ndjeshme pas zgjedhjeve të mesmandatit në SHBA, për shkak të hamendësimeve se humja e republikanëve do ta detyronte Trumpin ta mbyllte shpejt luftën me Iranin. Megjithatë, administrata mund të vazhdojë përpara edhe pa Kongresin. Humbja në zgjedhjet e mesmandatit mund t'i ketë shtuar komplikimet negociatave, pasi Irani u ndie i inkurajuar nga fitorja e demokratëve dhe vazhdon të këmbëngulë në kushte që SHBA-ja nuk i ka konsideruar të pranueshme. Për pasojë, ngërçi mund të zvarritet më gjatë se ç'pritej dhe, në vend të sulmeve më të gjera mbi infrastrukturën energjetike, mund të merren në konsideratë sulme të kufizuara ndaj objekteve bërthamore.
Një arritje konkrete në bisedime do të shkaktonte me gjasë një shitje masive në treg, duke i shtyrë çmimet e naftës drejt niveleve të para luftës brenda një kohe relativisht të shkurtër. Nga ana tjetër, një përshkallëzim mund të provokojë një tjetër rritje për shkak të shtimit të riskut gjeopolitik, ndonëse ajo mund të rezultojë jetëshkurtër nëse ndërmerren sulme të kufizuara përpara daljes nga lufta. Për momentin, rreziqet rënëse për çmimet e naftës mbeten të kufizuara, me mundësinë që të fshihen të gjitha humbjet e pësuara që nga zgjedhjet e mesmandatit në SHBA nëse bllokimi vazhdon më tej.
Analiza teknike e naftës bruto – Grafiku ditor
Në grafikun ditor, kontratat CFD të naftës bruto po ngrihen sërish mbi nivelin kyç prej 87.00 dollarësh. Blerësit kanë gjasa të hyjnë në treg rreth këtyre niveleve, duke e mbajtur rrezikun të përcaktuar poshtë kufirit 87.00, për t'u pozicionuar për një rritje drejt rezistencës prej 110.00 dollarësh. Shitësit do të kërkojnë që çmimi të bie sërish nën këtë nivel për të zgjeruar rënien drejt shifrës prej 80.00 dollarësh më pas.
Analiza teknike e naftës bruto – Grafiku 4-orësh
Në grafikun 4-orësh, çmimi po thyen sipër vijës rënëse të trendit që përcaktoi vrullin e mëparshëm negativ. Blerësit me gjasë do të ndërhyjnë në këtë thyerje, duke vendosur një nivel të qartë rreziku poshtë pikës më të ulët të fundit, me synim një rritje drejt rezistencës në 110.00, ku objektivi i parë është 92.50. Anasjelltas, shitësit kanë nevojë që çmimi të bie përsëri nën vijën e trendit dhe nivelin 87.00 për të synuar një rënie drejt pragut të 80.00 dollarëve në vijim.




